Narrisch uff en GTI

Text: Andreas Wessel (1989)
Musik: Peter M. Faißt u. Franz-Peter Osterkamp (2014)
30/30 Liederbuch

Hab‘ isch mal rischdisch Kohle,
da waaß isch, was isch duh:
Isch kaaf mer so en Waache,
dann der lässt mer gar kei Ruh!

Isch bin narrisch uff en GTI,
so narrisch uff en GTI.
Isch ruf disch aa un saach:
„Hey Schatz, isch fühl misch schläächd wie nie!“
Isch ruf disch aa, isch klaach:
„Ach Baby, kaaf mer doch en GTI!“

Des machd misch rischdisch ferdisch,
isch werd noch err vor Wut.
Isch sauf die halwe Beiz leer
un du fraachsd misch: „Geht’s der noch gut?“

Mmh, isch brauch en wie noch nie,
ja, isch brauch so’n GTI.
Isch ruf disch aa un saach:
„Hey Schatz, mir geht’s ja heud so schläächd wie nie!“
Isch ruf disch aa, isch klaach:
„Ach Baby, kaaf mer doch so‘n GTI!“

Du sejst schon, dess isch werkisch spinn,
disch nervt der ganze Kram.
Isch denk nur: „Bleede Kuh,
bist ja so‘n Karr’n noch nie gefahn!“

Mmh, isch brauch en wie noch nie … (wie oben)

Bin isch dann rischdisch glücklisch,
dann mi’m Audo hat’s geklappt,
sejste nur: „Des Brautkränzje,
des steck‘ der an die Kapp!“

Du, isch brauch disch wie noch nie!
Naa, isch brauch kaan GTI!
Isch ruf disch aa, isch möschd disch seh,
doch du hast heut soviel ze duu.
Isch ruf disch aa, doch du sejst nur:
„Ei Kerl, lass mer mei Ruh!“

Veröffentlicht auf dem Album «Pidder & Bhreng: 30/30» (2014) 30/30 Liederbuch